Museo do Viño. Sala da viticultura
A primeira parte da visita á Sala da viticultura do Museo do Viño recolle as características do medio físico: a pluviosidade, as temperaturas e as distintas características do relevo.
A segunda zona recolle as variedades de uvas que se dan na zona, así coma o ciclo vexetativo e a morfoloxía.
No terceiro espazo preséntase a influencia do home sobre a vide, a realización de emparrados con postes de granito, outras disposicións coma o arxón, enxertos, poda ou o emprego de medios químicos para erradicar as diferentes pragas e enfermidades que afectan á planta e ao froito. Tamén varios elementos como as sulfatadoras ou a bomba de trasfegar -hoxe en día un proceso básico de filtrado no tratamento do viño.
Baixando as escaleiras podes ver elementos relacionados coa vendima como azufradoras, cestos antigos de recollida de uva eas actuais cestas de plástico. Esta en concreto, foi a primeira caixa elaborada en 1975.
