Museo do Viño. Sala de catas e exposición de olería

Despois de visitar esta sala, poderás poñer en práctica unha serie de consellos para catar un viño, que abarcan dende o tipo de copas adecuadas ata os distintos modelos de sacarrollas.

Continúa logo ata o expositor das pezas de cerámica de Buño, olería artesanal elaborada na vila de Buño, en Malpica, A Coruña. Estes recipientes servían antano para gardar e transportar o viño.

No panel de produción e exportacións comprenderás o porqué da fama internacional do Albariño xa que o seu consumo non se reduce a Galicia nin a España. Os principais mercados estranxeiros do viño albariño son EEUU, Reino Unido e Alemaña, sendo o continente americano o principal importador.