San Tomé
O barrio mariñeiro
No barrio de San Tomé situábase o antigo porto pesqueiro e hoxe é refuxio das embarcacións de pesca artesanal e deportiva de pequeno tamaño polo seu calado inferior a 2 metros.
Deléitate cunha camiñata polo paseo marítimo. É fácil adiviñar o perfil do Pósito de Pescadores e xa máis cerca do mar, o lugar onde naceu a actual Real Conserveira Española, hoxe convertido no Salón de Congresos e Exposicións José Peña, nome do fundador.
Privilexiadas vistas teñen o Pazo de Montesacro (s. XVIII) e a capela da Valvanera, onde se venera a virxe do mesmo nome de tradición rioxana.
Rúas irregulares e estreitas, típicas dos barrios mariñeiros, son o último tramo do camiño cara ao illote da Figueira onde atoparás as ruínas da Torre de San Sadorniño (alta Idade Media), enlace de Cambados coa tradición xacobea xa que pola nosa vila pasa un dos oito camiños de Santiago, o coñecido como “Ruta marítimo-fluvial pola ría de Arousa e o río Ulla”. San Sadorniño era un antigo faro e torre vixía para defender a ría de Arousa e Compostela dos ataques de normandos e viquingos tras o descubrimento da tumba do Apóstolo Santiago no s. IX.